|
Hüt heimer dr Äugiwäg i Agriff gno! Am Morge hets nid würklech guet usgseh aber 7 Wanderer hei sech de glich ufgmacht u si gäge Adelbode gfahre. Wi witer im Tal inne umso schöner isch ds Wätter worde. Nach eme Kafi uf em Sillerebühl simer losmarschiert- via Hahnemoos, Bummeregrat bis zum Ischtig vom Äugiwäg! Über e guet gsicherete u mit Stäge usboute Wäg,simer nach anderthalb Std. ufem Ammertespitz acho! Obe isch rächt verhange gsi aber bim Abstieg gäge Engstlige hets wider ufta. Bi Zwätschgechueche,surem Moscht u Kafi heimer de dr Tag la usklinge! Danke aune wo si mitcho! Vreny Fankhauser (Leiterin) HaPe Mettler, Maria Graf, Therese Zürcher, Verena Haueter, Katrin u Chrigu Egli |
